Mariage Pey BRUN 3244 et Marie VIDAU 3245 (2 mars 1666 à Moulis)

BOU16660302.jpg

 

Le second de mars mil six cens soixante six, Pey Brun laboureur et Marie Vidau habitans du village de Becoyran de la p(rése)nte parroisse de Moulix (Apres avoir fiancé dans nostre eglise St Saturnin de Moulix des le mois de febvrier dernier et (papier déchiré) trois bans dud(it) futur mariage ayant esté bien canoniquement publiés par moy Archiprestre soubz(ig)né pendant trois divers dimanches ou jours de feste au prosne de la messe parroissialle sans qu’il y ait eu opposition ny empeschement qui soit venu a ma cognoissance). Lesd(its) Pey Brun et Marie Vidau led(it) jour second de mars mil six cens soixante six ont contracté mariage par parolle de presant en face de nostre mere Ste Eglise dans nostre eglise St Saturnin de Moulix et les y ay receus et baillé la benediction nuptialle la celebration de la Ste messe le tout selon les formes et cerimonies accoustumées de l’Eglise catholique apost(olique) Rom(aine). Faict dans nostre eglise St Saturnin de Moulix led(it) jour second de mars mil six cens soixante six ez p(rése)nces de françois Brun dict Piché laboureur père de l’espoux, Pey Vidau dict Rabette (papier déchiré) père de l’espouse, Pey Calandrin, Charles (papier déchiré) Pey Lescoutra, et pleus(ieu)rs autres parans et amys habitans de la p(rése)nte parroisse de Moulix et autres circonvoisines.